La Voz de Galicia
9/08/09
O incendio rexistrado este mediodía no concello coruñés de Boiro queimou finalmente unhas once hectáreas e xa se atopa controlado, do mesmo xeito que outro rexistrado en Vilardebós (Ourense), informaron a EFE fontes de Medio Rural.
Este departamento da Xunta informou de que hoxe rexistráronse en total doce puntos de lume, nove deles de reducidas dimensións, de menos de 0,1 hectáreas.
Os tres de maior envergadura foron os de Boiro, outro en Vilardevós, no que se queimaron sete hectáreas de monte raso, e en Oleiros (A Coruña), onde ardeu tamén monte sen arborado, algo máis dunha hectárea. Igualmente, estase a piques de extinguir, indicaron as fontes, outro lume forestal no concello coruñés de Narón.
O lume na comarca do Barbanza, xa controlado, e en cuxa extinción participaron numerosos medios humanos e técnicos, orixinouse pasadas as 12:30 horas nos montes da parroquia de Bealo, do concello de Boiro, e estendeuse á de Macenda.
O lume afectou a zona arborada, especialmente eucalipto, nunha zona limítrofe entre os concellos de Boiro, Rianxo e Lousame.
Nun verán particularmente chuvioso no que o monte atópase húmido, o lume do incendio de Boiro causou unha intensa fumeira e ao lugar desprazáronse durante a xornada de hoxe numerosos medios como tres helicópteros, unha pala retroescavadora, tres axentes forestais, dous grupos de intervención rápida; unha cuadrilla do Concello de Boiro; cinco motobombas, tres hidroavións e seis brigadas.
Os meses de agosto e setembro, pese a que ata o de agora choveu inusualmente en Galicia para o verán, seguen sendo de máximo risco pola posibilidade de que se produzan lumes, segundo fontes do Goberno galego.
9/08/09
O incendio rexistrado este mediodía no concello coruñés de Boiro queimou finalmente unhas once hectáreas e xa se atopa controlado, do mesmo xeito que outro rexistrado en Vilardebós (Ourense), informaron a EFE fontes de Medio Rural.
Este departamento da Xunta informou de que hoxe rexistráronse en total doce puntos de lume, nove deles de reducidas dimensións, de menos de 0,1 hectáreas.
Os tres de maior envergadura foron os de Boiro, outro en Vilardevós, no que se queimaron sete hectáreas de monte raso, e en Oleiros (A Coruña), onde ardeu tamén monte sen arborado, algo máis dunha hectárea. Igualmente, estase a piques de extinguir, indicaron as fontes, outro lume forestal no concello coruñés de Narón.
O lume na comarca do Barbanza, xa controlado, e en cuxa extinción participaron numerosos medios humanos e técnicos, orixinouse pasadas as 12:30 horas nos montes da parroquia de Bealo, do concello de Boiro, e estendeuse á de Macenda.
O lume afectou a zona arborada, especialmente eucalipto, nunha zona limítrofe entre os concellos de Boiro, Rianxo e Lousame.
Nun verán particularmente chuvioso no que o monte atópase húmido, o lume do incendio de Boiro causou unha intensa fumeira e ao lugar desprazáronse durante a xornada de hoxe numerosos medios como tres helicópteros, unha pala retroescavadora, tres axentes forestais, dous grupos de intervención rápida; unha cuadrilla do Concello de Boiro; cinco motobombas, tres hidroavións e seis brigadas.
Os meses de agosto e setembro, pese a que ata o de agora choveu inusualmente en Galicia para o verán, seguen sendo de máximo risco pola posibilidade de que se produzan lumes, segundo fontes do Goberno galego.
